Í morgin, leygardagin tann 25.mai, skipar Fótbóltsfelagið Klettar fyri stórum Champions League kvøldi.
Á skránni verður finalan ímillum týskuliðini Bayern München og Borussia Dortmund og eisini verður møguleiki at síggja stórdystin ímillum nevaleikararnar Carl Froch og Mikkel Kessler. Eisini verður grilling og pub-quiz við Hera Signar Nolsøe á skránni.
Tiltakið byrjar kl.17.30 og verður á Børglum Kollegiet.
Sí Facebook-síðuna, FF Klettar, fyri fleiri upplýsningar og møguliga broytingar.
Tann 1.juni kl.14 fer Føroyingafelagið saman við Skúla- og Sunnudagsskúlabólkinum at bjóða øllum føroyingum - smáum og stórum - til tann stóra famljudagin!
Á skránni verður: - skattajagt
- andlitsmáling
- ymisk spøl: m.a. togtoging, bóltspøl, ballónspøl osv.
- grilling
- køkur, kaffi og te.
- Og so fara vit at hugna okkum OOORDELIGA NÓGV!!!!
Luttakarar verða bidnir um at hava pylsur, búffar og breyð við sjálvi. Drykkivørur, bestik og ketsjupp/sinnop/stoktan leyk syrgja fyrireikararnir fyri.
Fólk verða vinarliga biðin um at melda aftur um tey luttaka og hvussu nógv tey verða, soleiðis at møguleiki verður at fyriskipa tiltakið.
Tiltakið verður í Trige. Addressan er: Trige Centervej 16, Trige 8380.
Bussar 1a, 117 og 118 koyra út til Trige.
Tiltakið er ókeypis!
Gevið gætur, at broytingar viðvíkjandi dato kunna fara fram, um tað ikki viðrar! Hetta verður tó upplýst á heimasíðu og FB-síðu felagsins.
Vinarliga heilsan
Fyrireikararnir :)
Í summar kunnu tit sleppa heim fyri einans kr. 995. Og so er tað íroknað tvær matarskráir.
Tak tað góða lagið og vinirnir við, so gera vit okkara fyri at tit fáa ein góðan og festligan túr heim
Um mánaðarskifti maj/juni er ætlanin hjá Føroyingafelagnum at bjóða føroyingum til tiltøkini; ”Tann stóri Familjudagurin” og ”Fjøruballið”.
Tann stóri familjudagurin er ætlaður føroyskum familjum við børnum, har farið verður at grilla og skipa fyri spølum, ið eru fyri allar aldursbólkar. Endamálið er stuttleiki, gleði og rokan fyri øll.
Fjøruballið, sum í fleiri ár hevur verið fastur táttur hjá Føroyingafelagnum, verður aftur í ár. Eins og undanfarin ár, fara føroyingar at savnast niðri í fjøruni, har farið verður at grilla, syngja og stuttleika sær saman við ymiskum spølum.
Av tí at tiltøkini eru tengd at veðrinum, so er endaliga tíðspunktið ikki fastlagt enn. Fleiri upplýsingar viðvíkjandi tiltøkunum koma tí seinni. Lýst verður inni á www.aarstova.dk og FB-síðu felagsins.
Tann 25. apríl er føroyskur siður at hátíðarhalda flaggdag føroyinga, eisini her í Aarhus. Tískil fara vit føroyingar í Aarhus aftur í ár at vinda Merkið í húnar hátt.
Aftur hesuferð savnast vit í universitetsparkini, Victor Albæks Vej 1. Røðari til ársins flaggdagshald verður klaksvíkingurin Atli Jacobsen, ið lesur stjórnmálafrøði á Aalborg Universitet. Harumframt fáa vit ta gleði at hoyra føroyska kórið, Áarljóð. Eftir røðu, kórsang og felagssang, skulu fólk vera vælkomin at fáa sær ein kaffimunn og ein køkubita. Eisini verða føroysk fløgg til yngstu.
Gevið gætur, at flaggdagshaldið í ár verður hildið tann 28. apríl kl.16:00. Hetta kemst av, at Kapsejladsen verður hósdagin 25. apríl. Vónandi gevur hetta øllum føroyingum møguleikan at verða við.
Allir føroyingar – ung og gomul – skulu hervið vera vælkomin til flaggdagshaldið í Aarhus.
Ásannandi, at tað eru 
