By
Føroyingafelagið í Aarhus on 11th May
Fríggjakvøldið 7. september 2012 spælir føroyska fótbóltslandsliðið ímóti Týsklandi í HM undankappingini, og nú vit hava landfast skipar Føroyingafelagið í Aarhus sjálvandi fyri busstúri til dystin í Hannover.
Skráin sær soleiðis út:
1. Fráferð úr Aarhus fríggjamorgun kl. 7.30
2. Steðgur við markarhandil at løða upp (Fleggaard)
3. Koma til Hannover áleið kl. 16
4. Avspark kl. 20.45
5. Fráferð úr Hannover eftir dystin, áleið á miðnátt
6. Koma til Aarhus leygarmorgunin kl. 7.00
Túrur fram og aftur, íroknað atgongumerki til dystin: kr. 950,-
Tað eru einans 30 pláss, og vit koyra eftir fyrst-til-fjósið meginregluni. Tryggja tær eitt pláss við at gjalda omanfyri nevndu upphædd á 6516 3050232742, konta í BankNordik Danmark. Minst til at viðmerkja navn, og send kontaktupplýsingar telefonnummar til bardur_hoejgaard@hotmail.com.
FREISTIN AT MELDA SEG TIL ER 1. JUNI 2012 - antin á Facebook her (http://www.facebook.com/events/332113833520856/) ella við at skriva til Bárður Højgaard á bardur_hoejgaard@hotmail.com
By
Føroyingafelagið í Aarhus on 11th May
Føroyingafelagið tekur nú táttin upp aftur og skipar fyri fjøruballi. Tiltakið hevur verið fyriskipað áður, men tey seinnu árini hevur tað ikki verið á skránni.
Enn er ikki nógv fest á blað, men at áhugin fyri at skipa fyri er staðfestur. Skráin kemur seinni, men fastlagt er, at:
- tiltakið verður leygardagin 9. juni
- vit savnast í fjøruni (antin sum undanfarin ár á Moesgård strand ella kanska á onkrum øki tættari býnum og við góðum taragróðri)
- skipað verður fyri onkrum undirhaldi og spølum
- at allir aldursbólkar eru vælkomnir
- at vit fara at grilla og fáa okkum okkurt gott til matna
Vit eru væl vitandi um, at hetta fyri tey lesandi er mitt í hægstu royndartíð, men vit vita eisini, at øll hava gott av einum hugnaligum steðgi frá lesnaðinum og hví ikki hava hann saman við góðum landsmonnum (í fjøruni).
Skrivið endiliga til Bárður Højgaard ella Atla Jacobsen um áhugi er fyri at hjálpa til ella um tit hava góð hugskot.
Og meldið tykkum endiliga til longu nú - tiltakið finst eisini á Facebook her:http://www.facebook.com/events/165905903537911/
By
Føroyingafelagið í Aarhus on 22nd April
Aftur í ár fara føroyingar í Aarhus at hátíðarhalda flaggdagin hin 25. apríl.
Hátíðarhaldið verður í universitetsparkini frá kl 17.00, har Durita Dahl Andreassen flytur fram røðu, og vit fara at syngja nakrir fosturlandssangir.
Eftir tað verður drekkamunnur.
Øll eru hjartaliga vælkomin.
Føroyingafelagið í Aarhus
By
Føroyingafelagið í Aarhus on 2nd April
VEGNA VEÐUR ER TILTAKIÐ TÍVERRI AVLÝST!
Annan páskadag kl. 14:00 fara vit at rulla páskaregg í Botaniskum hava í Aarhus.
Tit taka sjálvi egg og tekni-amboð við, og vit bjóða kaffi, saft og køkur.
MEN LEGG TIL MERKIS: "hann" sigur ivasamt veður, so vit taka endaliga avgerð um tiltakið mánadagin fyrrapart, og boða frá á Facebook og á heimasíðuni.
Øll eru vælkomin!
Sunnudagsskúlabólkurin
Ásannandi, at tað eru 
