Áarljóð – Føroyska kórið í Aarhus

Áarljóð er føroyskt kór í Aarhus, sum savnar føroyingar og onnur sangáhugað til felagsskap, føroyskan sang og tónleik.

Kórið venur vanliga mikukvøld frá kl. 19:30 til 21:00 í hølum felagsins á Hermodsvej 3A í Aarhus. Kórsangurin er bæði ein tónlistarlig og sosialur partur av virkseminum, og dentur verður lagdur á bæði góðan felagsskap og musikalskar ambitiønir.

Repertuarið

Repertuarið hjá Áarljóði er fjølbroytt og verður lagað eftir teimum høvum og tiltøkum, sum kórið luttekur í. Meginparturin av repertuarinum er føroyskur, men kórið syngur eisini onnur verk.

Áarljóð hevur millum annað sungið til:

• Flaggdagin
• Grækarismessu
• Jólaguðstænastur
• Hugnaløtur og onnur tiltøk
• Veitslur og onnur føroysk tiltøk í Aarhus

At syngja við í Áarljóði

Tað er ikki neyðugt at hava kórroyndir fyri at syngja við í Áarljóði. Tað er ein fyrimunur at kunna syngja reint, men tað er ikki eitt krav at kunna lesa nótar. Nógv hava fingið sínar fyrstu kórroyndir í Áarljóði og hava seinni sungið í kórum á høgum støði bæði í Danmark og Føroyum.

Kórið hevur gjøgnum árini verið ein møguleiki hjá nógvum føroyingum í Aarhus at royna seg í kórsangi og samstundis vera partur av einum føroyskum felagsskapi.

Kórleiðsla

Kórleiðari er Jákup Olsen, sum hevur staðið fyri kórinum, til og frá, í nógv ár.

Áarljóð er ein partur av føroyska felagsskapinum í Aarhus og er eitt stað, har sangur, føroyskur tónleikur og felagsskapur ganga hond í hond.